A Estatística é a parte das Matemáticas que se ocupa de reunir, organizar e analizar datos. 

Nesta unidade trataranse os procedementos para organizar datos en táboas de frecuencias, calcular os parámetros de centralización (media, mediana e moda) e realizar gráficos estatísticos (diagramas de barras,  diagramas de sectores, histogramas e polígonos de frecuencias).

• Organizar datos nunha táboa calculando frecuencias absolutas e relativas, ordinarias e acumuladas.
• Agrupar en intervalos os datos dun carácter estatístico continuo ou discreto con moitos datos e  elaborar a táboa correspondente.
• Calcular a media, a mediana e a moda dun carácter estatístico cuantitativo.
  
• Representar graficamente mediante diagramas de barras e de sectores un carácter estatístico discreto con poucos datos.
• Representar graficamente mediante histogramas e polígonos de frecuencias un carácter estatístico continuo ou discreto con moitos datos.