Táboas e medidas

	TÁBOAS DE FRECUENCIAS E MEDIDAS DE CENTRALIZACIÓN
	Estatística

1. CARACTERES ESTATÍSTICOS.

Un carácter estatístico é unha propiedade que se estuda dunha poboación. Pode ser cualitativo ou cuantitativo. Un carácter cuantitativo pode ser discreto e continuo.

Carácter estatístico		Definición	Exemplos
Cualitativo		Indica unha cualidade	O deporte practicado
Cuantitativo	Discreto	Indica unha cantidade e só pode tomar valores illados	O número de películas vistas nunha semana.
Cuantitativo	Continuo	Indica unha cantidade e pode tomar calquera valor dentro dun intervalo	O peso

2. TÁBOA DE FRECUENCIAS.

Os datos estatísticos organízanse en táboas nas que aparecen os valores da variable e as súas correspondentes frecuencias.

Definición de frecuencia	absoluta	dun valor	Número de individuos da poboación para os que a variable toma ese valor
	absoluta acumulada		Suma das frecuencias absolutas dos valores menores ou iguales que el
	relativa		Cociente entre a frecuencia absoluta e o número total de individuos
	relativa acumulada		Cociente entre a frecuencia absoluta acumulada e o número total de individuos

Na escena da esquerda introduce, para cada un dos tres caracteres referidos no exemplo que está debaixo, o número de valores distintos (n) e as frecuencias absolutas (ni), pulsa Intro e observa como se completan as táboas de frecuencias e cópiaas no teu caderno.

Exemplo: Nunha clase de 25 alumnos estúdanse os seguintes caracteres obtendo as frecuencias absolutas que veñen a continuación:

1. O deporte favorito.

Deporte	Fútbol	Natación	Tenis	Baloncesto
Nº de alumnos	10	8	2	5

2. O número de películas vista nunha semana.
As respostas dos alumnos foron: 6, 3, 3, 2. 0, 0, 1, 2, 7, 6, 3, 6, 3, 2, 1, 3, 7, 0, 0, 1, 0 , 2, 4, 4, 2

3. O peso (Os datos preséntase agrupados en intervalos de lonxitude 5 Kg.)

Peso (Kg.)	(50, 55)	(55, 60)	(60,65)	(65, 70)	(70, 75)
Nº de alumnos	4	7	6	5	3

3. CÁLCULO DOS PARÁMETROS DE CENTRALIZACIÓN: MEDIA MEDIANA E MODA.

Os parámetros de centralización son medidas que indican a tendencia dos datos, porque estes se agrupan ó redor delas. Os máis utilizados son a media, a mediana e a moda.

Definición de	media	dun conxunto de datos	Resultado de dividir a suma de todos os datos entre o número total deles.
	mediana		Valor que está no centro ó ordenar os datos (Se hai un número par de datos é a media dos dous valores centrais)
	moda		Valor que ten maior frecuencia absoluta (Se hai varios valores de frecuencia máxima dise que hai varias modas)

Na escena da esquerda introduce, para os dous caracteres cuantitativos do exemplo do apartado anterior, o número de valores distintos (n), os valores da variable (xi)* e as frecuencias absolutas (ni), pulsa Intro e observa como se completa a táboa e o cálculo da media, mediana e moda. Copia os resultados da escena no caderno.

* No caso de que os datos esteán agrupados en intervalos, introducirase no correspondente xi o punto medio do intervalo ou marca de clase. (No carácter 3 do exemplo: x1=(50+55)/2 =52'5)

	Ana Iglesias Lauda

	Ministerio de Educación, Cultura y Deporte. Año 2009

Los contenidos de esta unidad didáctica están bajo una licencia de Creative Commons si no se indica lo contrario.