GRÁFICOS ESTATÍSTICOS
Estatística
 
4. DIAGRAMAS DE BARRAS E DIAGRAMAS DE SECTORES.
Un carácter estatístico cualitativo ou cuantitativo que tome un número pequeno de valores distintos, pódese representar utilizando un diagrama de barras ou un diagrama de sectores.
Un diagrama de barras é un gráfico formado por barras separadas de altura proporcional á frecuencia de cada valor.
Un diagrama de sectores é un gráfico formado por un círculo dividido en sectores de amplitude proporcional á frecuencia de cada valor. 
Introduce as frecuencias absolutas (ni) dos caracteres 1 e 2 do exemplo da páxina anterior, e observa como se constrúen os diagramas de barras e de sectores. Relaciona, para cada valor xi da variable a lonxitude da barra coa amplitude do sector correspondente.


5. HISTOGRAMAS E POLÍGONOS DE FRECUENCIAS.
Un carácter estatístico cuantitativo no que os datos se presenten agrupados en intervalos, por ser continuo ou discreto cun número grande de valores distintos, pódese representar utilizando un histograma ou un polígono de frecuencias .
Un histograma é un gráfico formado por barras pegadas de altura proporcional á frecuencia de cada intervalo.
Un polígono de frecuencias é unha liña poligonal que une os puntos medios da parte superior das barras do histograma, é dicir, os puntos que fan corresponder á marca de cada intervalo a súa frecuencia absoluta. 

 
Introduce as frecuencias absolutas (ni) do terceiro carácter do exemplo da páxina anterior, e observa como se constrúen nos mesmos eixes o histograma e o polígono de frecuencias. 



Agora, coa axuda das escenas desta unidade, tes que facer no teu caderno os exercicios da seguinte páxina.
  src=   src=   src=  
           
  Ana Iglesias Lauda
 
Ministerio de Educación, Cultura y Deporte. Año 2009
 
 

Licencia de Creative Commons
Los contenidos de esta unidad didáctica están bajo una licencia de Creative Commons si no se indica lo contrario.